Azərbaycan Respublikası Dövlət Neft Şirkətinin (SOCAR) idarə etdiyi Kulevi Terminalı və Dəniz Limanı 16 may 2008-ci il tarixindən fəaliyyətə başlamışdır. Terminalın yükdaşıma gücü ildə 10 000 000 tona qədər karbohidrogen və neft-kimya məhsuludur.
Terminal karbohidrogenlərin və neft-kimya məhsullarının daşınması üçün nəzərdə tutulub. Bizim xidmətlərimizə dəmir yolu ilə karbohidrogenlərin və neft-kimya məhsullarının qəbulu, çənlərə daşınması, saxlanması, dəniz gəmilərinə yüklənməsi və liman qurğularının istismarı daxildir.   Terminal yüksək səviyyədə xidmət göstərir və qanunvericilik tələblərinə və qüvvədə olan beynəlxalq standart və normalara uyğun fəaliyyət göstərir. 
Terminalın İnteqrasiya edilmiş İdarəetmə Sistemi ISO9001 (Keyfiyyət İdarəetmə Sistemi), ISO14001 (Ətraf Mühitin İdarəetmə Sistemi) və ISO45001 (Əməyin Sağlamlığı və Təhlükəsizliyi İdarəetmə Sistemi) tələblərinə uyğundur və sertifikatlaşdırılmışdır, bu o deməkdir ki, Terminaldakı bütün idarəetmə sistemi prosesləri beynəlxalq standartlara tam cavab verir.

Terminal ərazisindəki bütün məhsullar dünya üzrə tanınmış premium sığorta şirkətlərində sığortalanır.